Foydalanish shartlari
Tahrir: 17.09.2026
Ushbu shartlar SHEYNAZ TRAVEL MChJ (keyingi o'rinlarda — "SHEYNAZ CRM") va SHEYNAZ CRM xizmatidan foydalanuvchi turfirma (keyingi o'rinlarda — "Firma") o'rtasidagi munosabatlarni belgilaydi. Ro'yxatdan o'tish arizasini yuborish orqali Firma shartlar bilan tanishganini va rozi ekanini tasdiqlaydi.
1. Xizmat
SHEYNAZ CRM — turfirmalar uchun onlayn tizim: lidlar voronkasi, mijozlar bazasi, savdo va otchet, Telegram Business orqali yozishmalar, xodimlar uchun o'quv bo'limi va firma blankida chipta tayyorlash. Xizmat brauzer orqali, Firmaga ajratilgan manzilda ko'rsatiladi.
2. Narx va to'lov
- Oylik obuna: 5 foydalanuvchigacha — 750 000 so'm (5 foydalanuvchi = 4 xodim va 1 administrator; AI imkoniyatlari ham shu narx ichida); har bir qo'shimcha faol foydalanuvchi uchun — oyiga 150 000 so'm.
- O'rnatish (bir martalik): 2 500 000 so'm — CRM ni ochish, sozlash va jamoani o'qitish.
- Obuna har oy oldindan to'lanadi. So'mda to'lov to'lov kunidagi bank kursi bo'yicha qabul qilinadi.
- Narxlar o'zgarsa, Firmaga kamida 30 kun oldin xabar beriladi.
3. Ma'lumotlar Firmaniki
- Firma CRM ga kiritgan mijozlar, savdolar, yozishmalar va fayllar Firmaning mulki hisoblanadi.
- Har bir firmaning ma'lumotlari alohida bazada saqlanadi va boshqa firmalarga ko'rinmaydi.
- SHEYNAZ CRM Firmaning mijozlari va savdo ma'lumotlaridan o'z biznesi uchun foydalanmaydi va uchinchi shaxslarga bermaydi. Texnik xodimlar ma'lumotga faqat Firmaning so'rovi bilan yoki nosozlikni tuzatish uchun kira oladi.
- Xizmat ko'rsatish uchun faqat umumiy sonlar (xodimlar soni, faollik) hisobga olinadi — obuna narxini hisoblash uchun.
4. Telegram va boshqa xizmatlar
- Telegram Business funksiyalari Telegram qoidalariga bo'ysunadi va xodimda Telegram Premium bo'lishini talab qiladi.
- Firma o'z Telegram botini yaratadi va uning tokenini saqlash uchun javobgar. Token faqat Firma sozlamasida saqlanadi.
- Firma mijozlarga yuboriladigan xabarlar va reklama tarqatishda amaldagi qonunchilikka rioya qilishi shart.
5. Sun'iy intellekt (AI)
AI funksiyalari (chiptani avtomatik o'qish, suhbat tahlili, javob qoralamasi) asosiy obunaga kirmaydi va alohida kelishuv asosida ulanadi.
6. Xizmatni to'xtatish
- To'lov 10 kundan ortiq kechiksa, CRM ga kirish vaqtincha to'xtatilishi mumkin. Ma'lumotlar o'chirilmaydi.
- To'lov amalga oshirilgach, kirish bir ish kuni ichida tiklanadi.
- Firma istalgan vaqtda obunani bekor qila oladi. Bekor qilingandan keyin ma'lumotlar 30 kun saqlanadi: shu muddatda Firma o'z mijozlar va savdolar ro'yxatini (Excel/CSV) so'rab olishi mumkin, keyin ma'lumotlar o'chiriladi.
7. Javobgarlik
- SHEYNAZ CRM xizmatning uzluksiz ishlashi uchun oqilona choralar ko'radi va ma'lumotlarning zaxira nusxasini oladi.
- Internet, Telegram yoki boshqa uchinchi tomon xizmatlaridagi uzilishlar uchun SHEYNAZ CRM javobgar emas.
- SHEYNAZ CRM javobgarligi har qanday holatda Firma oxirgi 3 oyda to'lagan obuna summasi bilan cheklanadi.
- Xodimlarning loginlari va parollari maxfiyligi uchun Firma javobgar.
8. Aloqa
SHEYNAZ TRAVEL MChJ, Toshkent shahri. Telefon: +998 99 993 33 38.
Savollar va so'rovlar shu raqam yoki Telegram orqali qabul qilinadi.